SIR ફોર્મ કેવી રીતે ભરવું? - How to Fill SIR Form 2025: Election Counting Form Full Step-by-Step Guide
સોમવાર, 17 નવેમ્બર, 2025
Edit
Sir Election Commission Counting Form 2025: ગુજરાત રાજ્યમાં મતદાર યાદીની State-wide Special Intensive Revision (SIR) પ્રક્રિયા હાલમાં તેજ ગતિએ ચાલી રહી છે. આ મહત્ત્વના અભિયાન દરમિયાન Booth Level Officers (BLOs) ઘર-ઘર જઈને એન્યૂમરેશન ફોર્મ વહેંચી રહ્યા છે અને ભરાયેલા ફોર્મ એકત્રિત પણ કરી રહ્યા છે. આ ફોર્મ એવુ મહત્વપૂર્ણ દસ્તાવેજ છે જેનાથી દરેક પાત્ર નાગરિકનું નામ મતદાર યાદીમાં સાચી રીતે નોંધાય તે સુનિશ્ચિત થાય છે.
મતદાર યાદીમાં ફેરફાર, નવી એન્ટ્રી, સરનામાની સુધારા જેવી પ્રક્રિયાઓમાં આ ફોર્મનું ખૂબ જ મહત્વ છે. ઘણી વાર લોકો અજાણ હોવાને કારણે ફોર્મ ભરવામાં ભૂલો કરી બેસે છે, જેના કારણે નામ યાદીમાં આવવામાં વિલંબ થતો હોય છે. એટલે આ વખતે સરકાર તથા ઈલેકશન કમિશન બંને દ્વારા SIR અભિયાનને લઈને ખાસ જાગૃતિ પણ ફેલાવવામાં આવી રહી છે.
આ પોસ્ટમાં અમે તમને SIR Election Commission Counting Form કેવી રીતે ભરવું, તેમાં કઈ માહિતી જરૂરી છે, BLO સાથે આપવાનું સહકાર કેટલો મહત્વનો છે અને આખી પ્રક્રિયા સરળ રીતે કેવી રીતે પૂરી કરવી — તેની સ્ટેપ-બાય-સ્ટેપ માર્ગદર્શિકા આપી રહ્યા છીએ, જેથી કોઈપણ નાગરિક સરળતાથી આ ફોર્મ પૂર્ણ કરી શકે.
SIR સમયરેખા અને પ્રક્રિયા
⇨ આ અભિયાન 4 નવેમ્બર, 2025થી પ્રારંભ થયો છે અને 4 ડિસેમ્બર, 2025 સુધી ચાલે છે.
⇨ BLO (Booth Level Officers) ઘરના દરવાજે જઈને, પહેલા થી ઉપસભર યા પૂર્વ-ભરેલું Enumeration Form વહેંચે છે.
⇨ આ અભિયાનમાં, મતદારોને તેમના નામ, સરનામું, જન્મ તારીખ ‒ વગેરે માહિતી ચકાસવાની અને સુધારવાની તક આપવામાં આવે છે.
⇨ BLO માત્ર એક વખત જ નહીં, પણ ઘણી વખત દરેક ઘરને મુલાકાત આપશે, જેથી વધુ પ્રમાણમાં લોકો આ પ્રક્રિયામાં સામેલ થઇ શકે.
⇨ 9 ડિસેમ્બર, 2025ને સંભવિત (“પ્રોવિઝનલ”) મતદાર યાદી જાહેર થશે.
⇨ દરેક નાગરિકને 9 ડિસેમ્બર, 2025 થી 8 જાન્યુઆરી, 2026 વચ્ચે દાવાઓ અને આક્ષેપોની સમયસમિતિ મળશે, જેમાં તેઓ સુધારા માટે અરજી કરી શકે છે.
⇨ આ તમામ પ્રક્રિયા પૂર્ણ થયા પછી, 7 ફેબ્રુઆરી, 2026 ના રોજ અંતિમ મતદાર યાદી જાહેર કરવાની યોજના છે.
SIR ફોર્મમાં કઈ વિગતો ભરવી ફરજીયાત છે?
1) જન્મ તારીખ (દિવસ/મહિનો/વર્ષ)
2) આધાર નંબર (ફરજીયાત નથી)
3) મોબાઇલ નંબર
4) પિતા અથવા વાલીનું નામ
5) પિતા અથવા વાલીનાં ચુંટણીકાર્ડનો નંબર (જો હોય તો)
6) માતાનું નામ
7) માતાનાં ચુંટણીકાર્ડનો નંબર (જો હોય તો)
8) જીવનસાથીનું નામ (પરણિત લોકો માટે)
9) જીવનસાથીનો ચુંટણીકાર્ડનો નંબર (પરણિત લોકો માટે)
SIR ફોર્મમાં ભરવાની મહત્વની વિગતો
ફોર્મમાં આપેલા બોક્સમાં, મતદારે પોતાની વિગતો લખવાની રહેશે. જેવી કે, મતદારનું નામ, મતદાર ઓળખ નંબર (જો ઉપલબ્ધ હોય તો), સંબંધીનું નામ, સંબંધ, જિલ્લો, રાજ્યનું નામ, વિધાનસભા મતવિસ્તારનું નામ અને વિધાનસભા મતવિસ્તાર નંબરનો સમાવેશ થાય છે.
જો મતદારનું નામ ૨૦૦૨ ની યાદીમાં ન હોય, તો તેણે તેના માતાપિતા અથવા દાદા-દાદીનું પૂરું નામ લખવું પડશે.
SIR એન્યુમરેશન ફોર્મ ઓનલાઈન ભરવા માટેની સ્ટેપ-બાય-સ્ટેપ પ્રક્રિયા
⇨ સૌપ્રથમ, મતદાર સેવા પોર્ટલ (https://voters.eci.gov.in/) માં લોગ ઇન કરો
⇨ પછી 'Fill Enumeration Form' પર ક્લિક કરો.
⇨ રાજ્ય (ઉદાહરણ - Gujarat) પસંદ કરો.
⇨ આપેલ ક્ષેત્રમાં તમારો એપિક નંબર (2025) દાખલ કરો અને શોધ બટન પર ક્લિક કરો.
⇨ મતદારની પહેલાથી ભરેલી માહિતી સ્ક્રીન પર પ્રદર્શિત થશે.
⇨ ઓટીપી ચકાસણી પૂર્ણ કરો.
⇨ હવે તમારે 'Choice Catagory' પસંદ કરવાનું રહેશે. Category માં તમે પસંદ કરી શકો છો કે તમારું નામ છેલ્લા SIRની મતદાર યાદીમાં છે એટલે કે 2002ની યાદીમાં છે કે તમારા માતાપિતા (પિતા, માતા, દાદા, દાદી) નું નામ છેલ્લા SIR ની મતદાર યાદીમાં છે કે નહીં, અથવા તમારું અથવા તમારા માતાપિતાનું નામ છેલ્લા મતદાર યાદીમાં નથી.
⇨ જો તમારું નામ છેલ્લા SIR માં નથી, તો સંબંધીઓની વિગતો પ્રદાન કરો.
⇨ 'Details in last SIR' માં માહિતી પ્રદાન કરો.
⇨ ગણતરી ફોર્મનું પૂર્વાવલોકન કરો.
⇨ આધારકાર્ડ વેરિફાઈ કરાવો.
⇨ ત્યારબાદ ફોર્મનું પૂર્વાવલોકન કર્યા પછી, Declaration પર ક્લિક કરો અને ફોર્મ સબમિટ કરો.
જો હજુ ન સમજાણું હોય તો બાજુમાં આપેલ Click Here પર ક્લિક કરી વિડીયો મારફતે માહિતી મેળવવો (Click Here - લિંક)
ચેતવણી (Disclaimer) - આ તમામ માહિતી સરકારી વેબસાઈટ તેમજ ઇન્ટરનેટ પર અવેલેબલ ન્યુઝ વેબસાઈટ પરથી લેવામાં આવેલી છે, sarkaribhartiyojana.com આ માહિતી 100% સચોટ છે તેની ખાતરી આપતું નથી, આપેલી માહિતીમાં ખામી પણ હોઇ શકે માટે ફોર્મ ભરતા પહેલા યોગ્ય વ્યકિતની સલાહ અવશ્ય લેવી..